AF268: 80v

cānibinde iki qara ṭaş vardur anuñ muqābelesinde iki rekʿat namāz qılub murādların dergāha ʿarż ėdeler elbette duʿāları müstecāb // olur dėrler ve daḫı naqldür ki Şeyḥ [!] Ḥāmid Sulṭān ki ekber‑i meşāyiḥdür [!] bi‑ḥamdi llāhi taʿālā revviḥe [?] meşāyiḥ‑i [?] kibārdan // ibtidā anlar qadem baṣmışlardur ṣufiyūn [?] içinde meşhūrdur gelüb bu cāmiʿ‑i şerīfde namāz qılub teveccüh ėdüb // andan buyurdılar ki ḥaqq celle ve ʿalā ḥażretinden otuz yıldan ziyādedür ki vilāyet‑i [...] idüm müyesser olmamış // idi bi‑ḥamdi llāhi taʿālā bu cāmiʿ‑i şerīfde müyesser oldı dėyü buyurdılar zīrā ġazā mālıyla binā olınmışdur // qıṣṣası budur ki Emīr Süleymān ki ibtidā Yıldurum Ḫānuñ büyük oġlıdur bir gėce vāqiʿasında sulṭān [...] // ḥażretlerini görüb yā Süleymān benüm içün ümmetüme bir cāmiʿ‑i şerīf binā eyle dėyü buyurduqlarında Emīr Süleymān daḫı // emr ėdüb cāmiʿ‑i şerīfüñ resmin peydā ėtdürüb mübārek ṣandıqın qazdılar ve miḥrābuñ ṭaşları yėrine // qoduqları zemānda qarındaşı Mūsā Emīr Süleymānı baṣub Emīr Süleymān daḫı münhezim olub firār ėdüb // bir köye düşdi etrāk ṭāʾifesi Mūsā Celebiye yaramaq içün Emīr Süleymānuñ başın kesüb şehīd ėtdiler // nūru llāhu taʿālā merqade baʿdehū Mūsā Celebi ṭāʾife‑i merqūmeʾi qatl‑i ʿām ėdüb evlerin yaraqların iḥrāq‑i // [...] eyledi merḥūm‑i mezbūr rūḥı‑çün gėrü cāmiʿ‑i şerīfi yapdurmaġa teqayyüd buyurdılar qaçan [...] yėr yüzine çıqdı // Mūsā Celebinüñ kücük qarındaşı ki Celebi Sulṭān Meḥemmeddür ol vaqt kim babaları Tīmūr Ḫān vāqiʿasına // uġrayub Tīmūr merḥūmı alub gitdükde celebi sulṭān ardına düşüb Tīmūruñ başına qıyāmetler qoparub // āḫir [...] babasınuñ meyyitin cebren alub getürüb Brūsada cāmiʿ‑i şerīfi qūrbında [!] defn ėdüb baʿdehū gendü // nāmına ḫuṭbe ve sikke ėdüb andan ʿasker‑i islām‑i ẓafer‑fercāmla qarındaşı Mūsā Celebinüñ üzerine ʿazm eyledi // iki qarındaş bir biriyle ʿaẓīm ceng ü cidāl ve ḥarb ü qıtāl ėdüb āḫir Mūsā Celebi münhezim olub qaçarken // [...] [...] gendü qullarından biri urub şehīd eyledi bi‑ḥamdi llāhi taʿālā birāderleri emri ber‑ṭaraf olduqdan ṣoñra // müstaqbel pādişāh oldı gėrü Emīr Süleymān rūḥı‑çün cāmiʿ‑i şerīfüñ bināsıyla muqayyed olub [...] qarīb // olduġı zemānda Kaʿbe‑i müşerrefede rükn‑i ʿırāqīyeden iki siyāh ṭaş düşdi yėrine qodılar gėrü düşdi // muḥaṣṣal kelām yedi defʿa qodılar ṭurmayub gėrü düşdi ʿāciz ü [...] oldılar āḫir sulṭān‑i enbiyā ʿaleyhi s‑selām // Mekke‑i mükerrimeden bir şeyḫüñ vāqiʿasında girüb buyurdılar yā şeyḫ ol iki ṭaş diyār‑i Rūmda Edirne // nām şehrde benüm içün bir cāmiʿ‑i şerīf binā ėdeyorlar ki yetmiş ẕirāʿ ṭolı ve arżı [?] vardur anuñ miḥrābınuñ // ṣaġ cānibinde qosunlar ümmetüm her gāh varub anda namāz qılub ḥācet dileyenler dergāh‑i ʿizzetde qabūl ola